eg ser blodet trekke gjennom skjorta di
eg ser ryggen og eg ser brystet
og eg veit korleis du ser ut under skjorta
og eg river han av deg
ser det sønderslitne kjøtet
mitt i brystet, kula har snitta
aorta av og blodet
pumpast ut i brytshola, flaumar
over den gustengule huda, håra under
skjortekragen, blodsvarte
eg ser deg døy, ser auga dine
miste fokus ser musklane
miste spennet og munnen din
rettast ut, du seier
endeleg ingen ting no
ikkje meire harde ord
du kan ikkje seie noko du
har ikkje pust, ikkje krefter
til å spenne stemmebanda, endeleg
er du stille, endeleg
vil du døy, endeleg
skal du forsvinne
Merkelappar:I shot my man, Nina Kinert
desse har kviskra